ԿԶՆԱԿ հիմնադրամը
«Լուսէ վերականգնողական կենտրոն» հիմնադրամի հետ համատեղ հայտարարել են «Իմ կյանքը
համայնքում» աշակերտների փոխանակման ծրագիրը: Ծրագրի առանցքում
հայրենաճանաչությունն է, երեխաների միջև սոցիալականացման, տարբեր մարզերում
մշակութային կյանքի, ընտանիքներում ընդունված ավանդույթների հետ ծանոթացումը:
Ծրագրին մասնակցելու են 14-16 տարեկան աշակերտները, ովքեր 1 շաբաթ կհյուրընկալվեն
այլ համայնքում, ուսումը կշարունակեն տվյալ համայնքի դպրոցում:
Ապրիլի 7-ին «ԿԶՆԱԿ»
հիմնադրամի տնօրենի, կրթական նորարարությունների և հետազոտության վարչության պետ
Լիլիթ Մկրտչյանի, կրթական նորարարությունների բաժնի մասնագետների, «Լուսէ»
կենտրոնի տնօրենի մասնակցությամբ կայացավ փոխանակման ծրագրին մասնակից դպրոցների
տնօրենների հետ առաջին հանդիպումը (առցանց):
Ա. Թորոսյանն ու Լ. Մկրտչյանը
հայտարարեցին ծրագրի մեկնարկը, մանրամասն ներկայացրեցին ծրագրի նպատակը,
կարևորությունը, պատասխանեցին տնօրենների հարցերին, ապա վիճակահանության անիվի
միջոցով ընտրվեցին սովորողներին միմյանց հետ փոխանակող դպրոցները: Ծրագրին
մասնակից ՀՀ Արարատի, Կոտայքի, Շիրակի, Գեղարքունիքի, Արմավիրի, Սյունիքի մարզերի
և Երևանի դպրոցներից ընտրվեցին 2 տասնյակից ավել դպրոցներ:
Ծրագիրը տևելու է
ապրիլի 18-ից մայիսի 1-ը:
Комментарии
Отправить комментарий