Նոյեմբերի
30-ին ԵՊՀ-ում ամփոփվեց ՀՀ ԿԳՄՍՆ «ԿԶՆԱԿ» հիմնադրամի հայտարարած «Մեդիասպառո՞ղ, թե՞
մեդիաստեղծող» մեդիագրագիտության նախագծերը: Ծրագրի նպատակն էր.
·
զարգացնել մեդիայից օգտվելու հմտությունները,
·
ընդլայնել մեդիագրագիտության շրջանակը:
Նախագծի մասնակից
աշակերտներին առիթ է ընձեռվում ուսումնասիրել, վերլուծել մեդիայի դերը և ազդեցությունը
իրական կյանքի վրա, նախագծային աշխատանքի միջոցով զարգացնել քննադատական մտածողությունը,
ինչը հնարավորություն կտա վերլուծել, գնահատել համացանցի և մեդիայի վստահելիությունը,
զարգացնել դրանցից օգտվելու հմտությունը:
«Մեդիասպառո՞ղ,
թե՞ մեդիաստեղծող» հանրապետական դպրոցական նախագծի մոտ հինգ տասնյակ հայտերից առանձնացվել
էր լավագույն 20-ը, հետևյալ դպրոցները՝ Երևանի 119 ա/դ, 40 հմ/դ, 107 մ/դ, 116
hմ/դ, 122 հմ/դ, Մխիթար Սեբաստացի կրթ., Կոտայքի մարզի Աբովյանի թիվ 2 հմ/դ, Աբովյանի
թիվ 5 հմ/դ, Բալահովիտի մ/դ, Նոր Գեղիի թիվ 1 մ/դ, Արարատի մարզի Սիսավանի մ/դ,
Եղեգնավանի մ/դ, Այնթապի թիվ 1 մ/դ, Արալեզի մ/դ, Արմավիրի մարզի Մեծամորի
1 հմ/դ, Մ. Սլիլիկյանի անվ. 6 հմ/դ, Նորավանի մ/դ, Գեղարքունիքի մարզի Հայրավանքի
մ/դ, Կարմիրգյուղի թիվ 1 մ/դ, Լոռու մարզի Դարպասի մ/դ:
Ամփոփիչ միջոցառմանը
ներկա էին Արտաշես Թորոսյանը՝ ՀՀ ԿԳՄՍՆ «ԿԶՆԱԿ» հիմնադրամի գործադիր տնօրենը,
Լիլիթ Մկրտչյանը՝ ՀՀ ԿԳՄՍՆ «ԿԶՆԱԿ» հիմնադրամի կրթական նորարարությունների և
հետազոտությունների վարչության պետը, Սիրինե Կոսյանը՝ ՀՀ ԿԳՄՍՆ «ԿԶՆԱԿ» հիմնադրամի
կրթական նորարարությունների բաժնի պետը, Վալտեր Բերբերյանը, Իզաբելա Աբրահամյանը՝
ՀՀ ԿԳՄՍՆ «ԿԶՆԱԿ» հիմնադրամի կրթական նորարարությունների բաժնի մասնագետները, Միքայել
Հովհաննիսյանը՝ ԵՊՀ զարգացման և նորարարությունների գծով պրոռեկտորը, Նաղաշ
Մարտիրոսյանը՝ ԵՊՀ Ժուռնալիստիկայի ֆակուլտետի դեկանը, գործընկեր կառույցների ներկայացուցիչները՝
Լուսինե Գրիգորյանը (Մեդիանախաձեռնությունների կենտրոն), Սեդա Մուրադյանը
(Հանրային լրագրության ակումբ), մեդիա փորձագետներ, դասախոսներ, տնօրեններ, ուսուցիչներ,
աշակերտներ, ծնողներ:
Մասնակից դպրոցների
աշակերտները ներկայացրին իրենց դպրոցներում ստեղծած Մեդիա ակումբի գործառույթները,
կատարած աշխատանքները, ուսումնասիրությունները, այցելեցին ԵՊՀ ժուռնալիստիկայի ֆակուլտետ՝
Նոր մեդիայի և հաղորդակցության հետազոտությունների կենտրոն, Փաստերի ստուգման լաբորատորիա:
Ծրագրի ավարտին
լավագույն 20 դպրոցները պարգևատրվեցին հավաստագրով և խրախուսական մրցանակներով:
Комментарии
Отправить комментарий