ՎԵՐԱՊԱՏՐԱՍՏՈՒՄ /ՀԵՌԱՎԱՐ ՁԵՎԱՉԱՓՈՎ/

ՎԵՐԱՊԱՏՐԱՍՏՈՒՄ /ՀԵՌԱՎԱՐ ՁԵՎԱՉԱՓՈՎ/

ՀՀ ԿԳՄՍՆ -ի ԿԶՆԱԿ հիմնադրամի Կրթական նորարարությունների բաժինը հայտարարում է՝

«Մեդիագրագիտությունը՝ որպես արդյունավետ դասավանդման և ուսումնառության կարողունակություն» թեմայով վերապատրաստում /հեռավար ձևաչափով/ , որը կիրականացվի փուլ առ փուլ՝ ՀՀ-ի բոլոր մարզերի ուսուցիչների համար:

Վերապատրաստման 1-ին փուլում ընդգրկվելու են Արարատ և Արմավիր մարզերի ուսուցիչները:

Ծրագրի նպատակն է

• տրամադրել համապատասխան գործիքակազմ՝ հանրակրթական նոր չափորոշչի վերջնարդյունքների ապահովման համար.

• աջակցել ուսուցիչների մեդիագրագիտության բարձրացմանը.

• ծանոթացնել ուսուցիչներին նախագծային աշխատանքի կազմակերպման տեխնիկական և բովանդակային կողմերին:

Ծրագրի խնդիրները՝ 

• ուսուցիչների խմբի կարիքների  գնահատում.

• մեդիագրագիտության իրազեկվածության և կրթության բարելավում.

• նորարարական ռեսուրսների կիրառում: 

Ծրագրի ընթացքը՝

• Վերապատրաստման 1-ին փուլում ընդգրկվելու են Արարատ և Արմավիր մարզի ուսուցիչները՝ կամավորության սկզբունքով:

• Վերապատրաստման սեմինարային հանդիպումը լինելու է 1 անգամ՝ հեռավար ձևաչափով:

• Հայտագրված ուսուցիչները վերապատրաստվելու են հումանիտար և ԲՏՃՄ խմբերով:

• Վերապատրաստված ուսուցիչները անհատապես կամ խմբերով աշխատելու են որևէ նախագծի շուրջ:

• Խմբի կազմում կարող է լինել առավելագույնը 3 ուսուցիչ:

• Ուսուցիչներին նախապես տրվելու են նախագծի աշխատանքային բնութագրիչները:

• Նախագծային աշխատանքի համար տրվելու է 20 օր ժամանակ:

• Այդ ընթացքում կազմակերպվելու են հանդիպում-քննարկումներ ԿԶՆԱԿ հ/դ-ի աշխատակիցների հետ՝ ըստ կարիքի:

Ծրագրի ավարտը՝

• Պատրաստի նախագծերը ուղարկվելու են ԿԶՆԱԿ հիմնադրամ:

• Նախապես տրված չափանիշներին համապատասխանելու դեպքում ուսուցչին կամ խմբին/եթե աշխատել են խմբով/ կտրվի վկայական:

• Վկայականը կհամարվի ուսուցչի մասնագիտական զարգացման ապահովման համար կատարված աշխատանքի ցուցիչ:

• Վկայականը  կարող է ներառվել ուսուցչի տարակարգ ստանալու փաստաթղթերում:

• Վկայագրված ուսուցիչների նախագծային աշխատանքը կտեղակայվի Պաշարների շտերարանում:

      Գրանցման վերջնաժամկետն է փետրվարի 28-ը:

      Գրանցման համար լրացնել հայտը