Կրթական նորարարությունների բաժնի մասնագետ
Վ. Բերբերյանը ապրիլի 15-16-ը մասնակցել է "Socio-Educational Innovations in
Education" ("Социально-педагогические инновации в образование"/«Սոցիալ-մանկավարժական
նորարարությունները կրթության մեջ») միջազգային գիտագործնական համաժողովին, որը տեղի
էր ունենում Իջևանում:
Համաժողովի նպատակն է՝ հետազոտությունների
խթանումը, ստեղծագործական ներուժի բացահայտումը, համագործակցության զարգացումը, երիտասարդության
ուշադրության կենտրոնացումը ժամանակակից մանկավարժական հետազոտությունների կարևորության
վրա:
Համաժողովի խնդիրներն են՝ քննարկել
մանկավարժության արդի հիմնախնդիրները, լուսաբանել սոցիալական մանկավարժության, դասավանդման
մեթոդիկայի, մանկավարժական հոգեբանության ասպարեզում գիտական հետազոտությունները, վերլուծել
մանկավարժության զարգացման հիմնական միտումները, արժեքներն ու հեռանկարները:
Համաժողովին մասնակցել են ուսուցիչներ,
մանկավարժներ կրթական ու հասարակական գործիչներ Հայաստանից, Ռուսաստանից, Վրաստանից,
Իրանից, Բելառուսից, Ուկրաինայից, Ուզբեկիստանից, Ղազախստանից, Ղրղզստանից, Լեհաստանից
և այլ երկրներից:
Համաժողովին Վ. Բերբերյանը հանդես է
եկել զեկուցմամբ՝ ներկայացնելով «Հետազոտությունը որպես նորարարական ուսումնառության
պարտադիր բաղադրիչ» հոդվածը: Վ. Բերբերյանը պատմել է նաև ԿԶՆԱԿ հիմնադրամի մասին՝ ներկայացնելով
«Հետազոտենք և բացահայտենք աշխարհը» հանրապետական աշակերտական աշխատաժողովը:
Մասնակիցների զեկուցումները ամփոփվել
են ժողովածուում, որը հասանելի է նաև առցանց:
Комментарии
Отправить комментарий