2023 թ. մայիսին կայանալիք «Հետազոտենք
և բացահայտենք աշխարհը» խորագրով աշակերտական աշխատաժողովին ներկայացվել են բազմաթիվ
հայտեր Երևանից, ինչպես նաև Հայաստանի տաբեր մարզերից:
Աշխատաժողովի նպատակն է դպրոցում խթանել
հետազոտական աշխատանքների իրականացումը, նպաստել աշակերտների մասնագիտական կողմնորոշմանը,
բուհ-դպրոց համագործակցության ընդլայմանը։ Աշխատաժողովը մասնակից աշակերտներին հնարավորություն
է ընձեռում լայն լսարանին ներկայացնելու իրենց կատարած հետազոտական աշխատանքները, կատարելագործելու
հետազոտական աշխատանք կատարելու հմտությունները, զարգացնելու հաղորդակցական հմտությունները,
ստեղծագործական միտքը, ինչպես նաև կապեր հաստատելու այլ դպրոցների աշակերտների հետ։
«Հետազոտենք և բացահայտենք աշխարհը» խորագրով աշակերտական
գիտաժողովին ներկայացվող զեկուցումները հետևյալ բնագավառներից են.
1)
Հայոց լեզու և գրականություն.
2)
Հայրենագիտություն.
3)
Օտար լեզուներ.
4)
ԲՏՃՄ.
5)
Արվեստ և արհեստ.
6)
Հասարակություն, հասարակական գիտություններ.
7)
Ֆիզիկական կրթություն և անվտանգ կենսագործունեություն:
Ստացված հայտերն անցնելու են մասնագիտական
դիտարկման փուլ, և միայն դրական արդյունքի պարագայում կհաստատվի աշակերտի մասնակցությունը
«Հետազոտենք և բացահայտենք աշխարհը» խորագրով աշակերտական նստաշրջանին: Դիտարկման արդյունքների,
ինչպես նաև աշխատաժողովի օրակարգի վերաբերյալ աշակերտները լրացուցիչ կծանուցվեն:
Ստորև ներկայացնում ենք լուսանկարներ,
թե ինչպես են աշակերտները պատրաստում իրենց աշխատանքները:
Комментарии
Отправить комментарий