«ԵՍ ՄԵԴԻԱԳՐԱԳԵՏ
ԵՄ»
հանրապետական
նախագիծ
Կրթության
զարգացման և նորարարությունների ազգային կենտրոն հիմնադրամը (ԿԶՆԱԿ) հայտարարում է
«Ես մեդիագրագետ եմ» հանրապետական նախագիծը, որին կարող են մասնակցել ՀՀ դպրոցների
7-12-րդ դասարանների աշակերտները:
Նախագծի նպատակն
է.
·
զարգացնել մեդիայից օգտվելու հմտությունները,
·
ընդլայնել մեդիագրագիտության շրջանակը:
Նախագծի մասնակից
աշակերտներին առիթ է ընձեռվում ուսումնասիրել, վերլուծել մեդիայի դերը և ազդեցությունը
իրական կյանքի վրա, նախագծային աշխատանքի միջոցով զարգացնել քննադատական մտածողությունը,
ինչը հնարավորություն կտա վերլուծել, գնահատել համացանցի և մեդիայի վստահելիությունը,
զարգացնել դրանցից օգտվելու հմտությունը:
Նախագծի քայլերը.
1. Դպրոցում ստեղծել Մեդիա ակումբ՝ աշակերտական
ուսումնական նախագծի աշխատանքները սկսելու, համակարգելու նպատակով:
2. Ակումբը ընտրում և ուսումնասիրում է առաջարկվող
կամ այլ թեմաներ.
·
տեղեկությունների ստուգում և վերլուծում,
·
մեդիա, թվային անվտանգություն,
·
զարգացող մեդիան ու ատելության խոսքը,
·
փաստերի ստուգման գործիքներ,
·
կեղծ լուրեր, ինչպես տարբերակել, չտարածել:
3. Ակումբը դպրոցում հայտարարում է մեդիագրագիտության
տասնօրյակ՝ նպատակ ունենալով մյուսներին նույնպես մղելու պրպտելու, գտնելու այս թեմային
վերաբերող մասնագետների կարծիքներ, աշխատություններ, ձեռնարկներ:
4. Տասնօրյակին մասնակցում են 7-12-րդ դասարանների
աշակերտները։
5. Դասարանների աշխատանքները ներկայացվում են Մեդիա
ակումբին:
6. Ընտրված թեմայի մասին Մեդիա ակումբի մասնակիցները
կազմակերպում են ճանաչողական, ուսուցողական հանդիպումներ աշակերտների, ուսուցիչների
հետ և նրանց ներկայացնում մեդիաճանաչման մի քանի խորհուրդներ, հմտություններ:
7. Ուսուցիչները համակարգում են ձևավորված խմբերի կազմակերպչական
աշխատանքները, մասնակցում դրանց քննարկումներին, խթանում երեխաների թիմային աշխատանքը:
8. Նախապես՝
մինչև նոյեմբերի 15-ը Կրթական նորարարությունների բաժնի էլեկտրոնային հասցեին
krtakannorararutyunner@gmail.com ուղարկել դպրոցական փուլի մասին պատմող մինչև հինգրոպեանոց
տեսանյութ (անհրաժեշտ է ուղարկել youtube-յան հղում՝ նշելով ԿԶՆԱԿ_ԵՍ ՄԵԴԻԱԳՐԱԳԵՏ
ԵՄ_ԴՊՐՈՑ):
9. Դպրոցական փուլից հետո ակումբի մասնակիցներից 3 աշակերտ
կներկայացնեն դպրոցում մեդիագրագիտության ոլորտում կատարած աշխատանքները:
Ներկայացման
ձևաչափ.
Ամփոփման օրը
դպրոցի մեդիախմբերը կներկայացնեն իրականացրած աշխատանքները՝ պատմելով կատարած ուսումնասիրությունները,
մեդիագրագիտության հիմնախնդիրը:
Ինչպես դիմել.
«Ես մեդիագրագետ
եմ» խորագրով հանրապետական դպրոցական նախագծին մասնակցելու համար անհրաժեշտ է լրացնել
մասնակցության
հայտը մինչև հոկտեմբերի 20-ը: Գրանցվածների համար կկազմակերպվի առցանց
հանդիպումներ:
Ամփոփման ամիս՝
նոյեմբեր-դեկտեմբեր
Հարցերի դեպքում
կարող եք զանգահարել 033-57-21-10:
ԿԶՆԱԿ հիմնադրամի
կրթական նորարարությունների
բաժին
Комментарии
Отправить комментарий