«ՊԱՏՄԱԲԱՆԻ ՕՐ»

Ընդհանուր դրույթներ

Պատմությունը անհատի, ազգի և ողջ մարդկության հիշողությունն է: Ինչպես յուրաքանչյուր անհատի պատմություն պայմանավորված է նրա անհատականությամբ, այնպես էլ համայն մարդկության պատմությունը ժամանակակից ձեռքբերումների մարմնավորումն է: Պատմության ուսումնասիրումը հնարավորություն է տալիս տեսնելու մարդկության զարգացման ուղին, ուսումնասիրել մարդկության անցյալը, վերստեղծել պետության, ժողովուրդների և անհատների կյանքի պատկերը անցյալում, ներկայում և ապագայում։

Եթե անցյալում կատարվածից, այդ թվում՝ սխալներից, եզրակացություններ չարվեն, ամեն ինչ կարող է նորից կրկնվել։

Նախագծի նպատակն է

•         Նպաստել սովորողների աշխարհայացքի ընդլայնմանը, նրանց մասնագիտական կողմնորոշմանը՝ ելնելով համամարդկային արժեքներով, հայրենասիրության ու քաղաքացիական ոգով դաստիարակելու անհրաժեշտությունից:

•         Սովորեցնել ուսումնասիրել, մեկնաբանել և վերլուծել մարդկության պատմության ընթացքում տեղի ունեցած իրադարձությունները, համաշխարհային գործընթացները:

•         Զարգացնել քննադատական, վերլուծական միտքը պատմական տարբեր աղբյուրների վերլուծության ու մեկնաբանման հիման վրա՝ ձևավորելով պատմական մտածողություն:

Աշխատակարգ.

Աշխարհի շատ երկրներում «Պատմաբանի օրը» նշվում է մարտի 28-ին: Առաջարկում ենք ՀՀ բոլոր հանրակրթական դպրոցներում մարտի 22-ին՝ 3-րդ դասաժամին անցկացնել պատմության դաս. դասարանի ընտրությունը կատարում է ուսուցիչը:

Նախապես աշակերտներին պետք է հանձնարարել, որ կատարեն նախագծային, հետազոտական աշխատանք ներքոհիշյալ տարբերակներով.

•Դաս-վիկտորինա. աշակերտներին տալ հարցաշարեր կոնկրետ թեմաների վերաբերյալ, ապա դասի օրը դասարանը բաժանել խմբերի և որոշակի ժամանակ անց մի խումբը պատասխանի մյուս խմբի հարցերին:

•Դաս- հետազոտություն: Աշակերտներին հանձնարարել, որ ուսումնասիրեն, վեր հանեն և նորովի մեկնաբանեն հայտնի պատմական դեպքերն ու իրադարձությունները.  հայոց և համաշխարհային պատմություն՝ ըստ ուսուցչի ընտրության:

• Դաս-սցենար: Աշակերտներն ուսուցչի ուղղորդմամբ գրեն սցենար՝ ներկայացնելով մեր օրերում տեղի ունեցող իրադարձությունների իրենց տեսլականը. ինչ կկատարվի, ինչպես կավարտվի, ինչ ընթացք կունենան մերօրյա իրադարձությունները

•  Դաս-տեսլական: Հայաստանը 30 տարի հետո:

• ՀՀ-ում բնակվող ազգային փոքրամասնություններն այդ նույն օրը կարող են ներկայացնել իրենց ազգային պատմական դեպքերն ու իրադարձությունները:

• Դերային խաղ: Որևէ պատմական իրավիճակ կարող են ներկայացնել, վերլուծել, քննարկել որոշակի դերեր ստանձնելով:

• Ուսումնական նախագիծ: Սովորողները մտածեն տարբեր իրավիճակների շուրջ ինքնուրույն գտնեն  տարբեր խնդիրների լուծումներ (օգտագործելով այդ նպատակի համար տարբեր ոլորտներից ձեռք բերված գիտելիքներ), կանխատեսել նախագծի արդյունքները և նրա լուծումների բոլոր հնարավոր հետևանքները: 

Դասընթացն անցկացնելուց հետո, ուղարկեք նկարներ, կամ դասից փոքրիկ տեսանյութեր, ԿԶՆԱԿ հիմնադրամի կրթական նորարարությունների էլ.հասցեին krtakannorararutyunner@gmail.com ՝  փորձի փոխանակման նպատակով, ֆեյսբուքյան խմբում ներբեռնելու համար:

Լավագույն դասերը կտեղադրվեն «ԿԶՆԱԿ»-ի բլոգում:

Գրանցման վերջնաժամկետը փետրվարի 23-ն է: Կարող եք հայտագրվել հետևյալ հղումով

 https://forms.gle/3pnJ1DUUbmwpaAP4A

Հայտագրված ուսուցիչների համար կանցկացվեն խորհրդատվական սեմինարներ:  

«ԿԶՆԱԿ» հիմնադրամի

կրթական նորարարությունների բաժին