Ս/թ մարտի
14-ին տեղի ունեցավ ՄԱԿ-ի Զարգացման ծրագրի կողմից (ՄԱԶԾ) դասընթացավարների վերապատրաստում
(ToT) «Կլիմայական արկղիկ» ծրագրի շրջանակում իրականացվող տարածաշրջանային վեբինարը:
Այն նպատակ ունի խթանելու կլիմայի փոփոխության կրթությունը և առաջ տանելու կայուն զարգացման
նպատակների իրականացման գործընթացը: Նախաձեռնությունը ներկայումս իրականացվում
է 8 երկրներում: Ծրագրի այս փուլը ներառում է «Կլիմայական արկղիկ» կրթական և խաղային
նյութերի փաթեթի թարմացումն ու հարստացումը նորարար թվային-առցանց ռեսուրսներով, ինչպես
նաև երկրների միջև համագործակցության ամրապնդմանն ուղղված գործողություններ՝ ներառյալ
ուսուցիչների համար կոնֆերանսների և դպրոցականների համար մրցույթների անցկացումը: Վեբինարին
մասնակցում էին ոլորտի առաջատար մասնագետներն ու փորձագետները, ուսումնական հաստատությունների
մեթոդիստներ, ուսուցիչներ, մանկավարժական բուհերի և քոլեջների ներկայացուցիչներ։ Վեբինարին
մասնակցում էր նաև ԿԶՆԱԿ հիմնադրամի կրթական նորարարությունների բաժնի պետ, կլիմայի
փոփոխության փորձագետ՝ Սիրինե Կոսյանը:
Ուրախությամբ ենք փաստում այն, որ վեբինարի ժամանակ ներկայացվեց Հայկական Կլիմայական արկղիկում ընդգրկված, մեր մասնագիտական թիմի կողմից պատրաստված «Դիմակայենք կլիմայի փոփոխությանը» պաստառի թարգմանված տարբերակը և նշվեց, որ այն ընդգրկվել է միջազգային «Կլմայական արկղիկ» փաթեթի օրինակի մեջ:
Եվս մեկ ուրախալի լուր. Հայաստանում է տեղի ունենալու «Կլիմայական
արկղիկ» ծրագրի շրջանակում իրականացվող մրցույթների հաղթողների միջազգային ամփոփիչ
փառատոնը:
Комментарии
Отправить комментарий